Ich, jeugdprins Kris
Zoon van Rob van Harie van Herme en Mia van Susse Bèr en Francien van Giel van Hoeëger en Lies vanne Vosberg,
Wille uch ’t volgendje laote wete:
Ich wil gaer as jeugdprins, same mèt jeugdprinses Rose en ‘t groeëte prinsepaar, dit jaor veurop gaon mèt de vastelaovendj in ‘t Moeërelandj.
Same mèt mien aojers en zösters Merijn en Veerle zètte wae hieveur drie daag alles ane kantj.
Op 10 november bèn ich as Serdelhundje gebore,
2 jaor later bèn ich ein Moerebuukske gewore.
Bie ós pap inne loeëds höb ich al völ sjoeën vastelaoveswages zeen óntstaon,
die bie mich van kleins aaf aan, mien vastelaoveshertje sneller lete slaon.
As keeper bie de voetbalclub staon ich inne goal en duik ich nao de bal.
Mèt de sjuuftrómbone maak ich bie de jeugdfanfaar muziek, en lol bovenal.
Mien opa en vader opene mèt de fanfaar de groeëte optocht, al zoeë lang ich bestaon, mèt muziek.
Dit jaor riej ich inne jeugdprinsewage d’r vlak achter, det vinj ich kei sjiek.
Sinds groep vief höb ich mèt Max, miene adjudant, aafgesproke det as ich prins zooj waere, hae miene adjudant zooj zeen, en ouch anges t’r óm.
Det dit noe ouch echt gebeurtj, vinj ich keigaaf. Max, same mèt dich make we deze vastelaovendj hieëlemaol aaf!
Ich, jeugdprinses Rose
Dochter van Johan Heijkers van Gerard van Jannese Bèr en Maud Ramakers van Bert van
Klómpe Graatje,
Wille uch ’t volgendje laote wete:
Ich bèn hieël erg trots det ich hie mèt jeugdprins Kris en ‘t groeëte prinsepaar moog staon,
jeugdprinses vanne Moerebuuk, det kos ich echt neet aafslaon.
Ich bèn op 7 februari in Èll op de Hoeëgstraot gebore,
en dao bèn ich ouch jeugdprinses gewore.
Tösse de kuuj, de appele enne paere,
dao kóns se mich heerlik laote gewaere.
Danse is mien groeëtste passie, ich dans de hieële daag.
Allein neet as ich bie de vechtsport bèn, ómdet det dao neet maag.
Mien opa, aod-prins Bert 1e ging mich al veur,
dae goof bie de Serdelhunj de vastelaovendj kleur.
Nao mien tante Ilja as aod-jeugdprinses,
is de ieër aan mich, veur ein volgendj vastelaovessucces!
Wae zeen al sinds jóngs aaf aan bie-ein,
Benthe, as mien adjudante, det vinj ich super fijn.
Kris, Max, Benthe en de Jeugdraod …
Jaore wore wae de Dummies, door rèngel, snieë en storm.
Det wae dit noe same doon, det waardeer ich echt enorm.
Milan en Noor, bedanktj veur de knallendje vastelaovendj, waat waas dae sjoeën.
Wae numme ’t noe dansendj van uch euver, op eine swingendje toeën.
In de orde van “ ’t speakerke” winse wae uch ‘ne super sjoeëne vastelaovendj ónger ós motto:
